Իրանը միջազգային հաշվարկներում պաշտոնապես դոլարից անցավ եվրոյի
Իրանի կառավարությունը որոշում է ընդունել հրաժարվել դոլարով միջազգային հաշվարկներից եւ արտասահմանյան տրանզակցիաներում եւ պետական հիմնարկությունների պաշտոնական հաշվարկներում անցնել եվրոյի: Այդ մասին, ինչպես հաղորդել է «Ինտերֆաքս»-ը, ասված է կառավարության՝ ապրիլի 18-ին հրապարակված հայտարարության մեջ։
«Բոլոր նախարարությունները, պետական կազմակերպություններն ու ֆիրմաները պարտավոր են եվրոն որպես հիմնական արժույթ օգտագործել հաշվետվություններում եւ վիճակագրություն, տեղեկատվություն ու (արտասահմանյան տրանզակցիաներ կատարելիս) ֆինանսական տվյալներ հրապարակելիս, նշվում է հաղորդագրության մեջ:
Ամերիկյան դոլարից հրաժարվելու որոշումն ընդունվել է Իրանի նախարարների կաբինետի ապրիլի 18-ի նիստում՝ ի պատասխան Թեհրանի դեմ ԱՄՆ-ի ու նրա դաշնակիցների ձեռնարկած միջոցների, որոնք իրանցի պաշտոնյաները որակում են «տնտեսական դավադրություն»:
