Ընդդիմադիր ուժերին ուղղված Նիկոլ Փաշինյանի կոչին արձագանքներ չեն եղել
Քիչ առաջ Նիկոլ Փաշինյանը ակցիայի մասնակիցների հետ Վարդանանց փողոցով երթով հասան Խանջյան փողոց և նստեցին երթևեկելի հատվածում:
Այժմ նրանք նստացույց են իրականացնում Խանջյան փողոցի վրա: Լրագրողների հետ զրույցում Նիկոլ Փաշինյանը չհստակեցրեց, թե որն է լինելու հաջորդ ուղղությունը, միայն ասաց, որ իրենք շարժվում են դեպի հաղթանակ: Խոսելով այսօր ոստիկանների գործողությունների մասին՝ Նիկոլ Փաշնինյանն ասաց. «Ոստիկանները մեր ընկերներն են»:
Անդրադառնալով ընդդիմադիր ուժերին ուղղված իր համերաշխության կոչին՝ Նիկոլ Փաշինյանն ասաց, որ այս օրերին արձագանքներ չեն եղել:
