Դանակահարություն ավտոլվացման կետում. կասկածյալը ձերբակալված է
Ապրիլի 9-ին, ժամը 1.30-ին, հիվանդանոցից ոստիկանության Արաբկիրի բաժնում հաղորդում է ստացվել, որ շտապօգնության խումբը Ազատության պողոտայի և Ադոնցի փողոցի խաչմերուկից «ձախ էպիդոքսալ շրջանի կտրած-ծակած վերք» ախտորոշմամբ բուժօգնության է տեղափոխել 1995 թ. ծնված Ռազմիկ Գ.-ին, իսկ ժամը 5.05-ին, «կրծքավանդակի ձախ կեսի կտրած-ծակած վերք» ախտորոշմամբ բուժօգնության է դիմել 1996 թ. ծնված Սեդրակ Մ.-ն:
Ոստիկանության ծառայողների օպերատիվ-հետախուզական միջոցառումների շնորհիվ պարզվել է, որ ապրիլի 8-ին, ժամը 20.00-ին, Ազատության պողոտայում գտնվող ավտոլվացման կետում, վիճաբանության ժամանակ, 1998 թ. ծնված Արգիշտի Ս.-ն դանակով հարվածել է Սեդրակ Մ.-ին և Ռազմիկ Գ.-ին՝ պատճառելով վնասվածքներ:
Ոստիկանության ծառայողների օպերատիվ-հետախուզական միջոցառումների շնորհիվ ապրիլի 10-ին, ժամը 14.00-ին, Զ.Սարկավագի փողոցից Արգիշտի Ս.-ն բերման է ենթարկվել:
Արգիշտի Ս.-ն ձերբակալվել է:
Կատարվում է քննություն:
