«Սամպաոլին դավաճանել է ինձ: Նա մտերմացավ ինձ հետ հավաքականի համար». Մարադոնա
Լեգենդար արգենտինացի ֆուտբոլիստ Դիեգո Մարադոնան խոսել է Արգենտինայի ազգային հավաքականի գլխավոր մարզիչ Խորխե Սամպաոլիի մասին:
«Նա եկավ հավաքական շատ օգնականների հետ և սկսեց բացատրել, որ գնդակը կլոր է: Դա նրա սխալն է:
Բոլոր նրանք, ովքեր խաղացել են ֆուտբոլ, դժվար թե հիշեն Սամպաոլիի խփած գոնե մեկ գնդակ: Դրա համար նա պետք է շատ հարգանքով խոսի այն ժառանգության մասին, որ մենք թողել ենք հավաքականում:
Սամպաոլին դավաճանել է ինձ: 2016 թվականին նա հրավիրեց Սևիլիա, որպեսզի խոսենք ֆուտբոլի մասին: Իրականում նա մտերմացավ ինձ հետ հավաքականի համար»,- պատմել է Մարադոնան:
Սիրափի Աղաբաբյան
