Շվեյցարացի աստղագետները հայտնաբերել են Երկրից ամենահեռավոր միայնակ աստղը
Աստղագետների միջազգային խումբը հայտնաբերել է Երկրից ամենահեռավոր միայնակ աստղը, որը գտնվում է 9 միլիարդ լուսային տարի հեռավորության վրա: Համապատասխան հաղորդագրությունն ապրիլի 2-ին զետեղվել է Ժնեւի համալսարանի կայքում։ Նշված է, որ հայտնագործությունը կատարվել է Hubble աստղադիտակի միջոցով դիտարկումների ժամանակ՝ «գրավիտացիոն ոսպնյակի Էֆեկտի» շնորհիվ:
Ոսպնյակի դերը, որն ուժեղացրել է աստղի լույսը եւ թույլ տվել այն տեսնել աստղադիտակով, խաղացել է MACS J1149+2223 գալակտիկաների կուտակումը, որը գտնվում է Երկրից 5 միլիարդ լուսային տարի հեռավորության վրա: Հայտնաբերված լուսատուն երկնագույն գերհսկա է, հարյուր հազարավոր անգամ ավելի պայծառ, քան Արեգակը:
Գիտնականներն այն անվանել են Իկարոս: Ժնեւի համալսարանում ընդգծում են, որ այս հայտնագործությունն «իրենով նշանավորում է հեռավոր միայնակ աստղերի ուսումնասիրման նոր փուլի սկիզբը», հաղորդել է ՏԱՍՍ գործակալությունը:
