ԱՄՆ-ի և Կանադայի ղեկավարները քննարկել են «ռուս հետախույզների» արտաքսման հարցը
ԱՄՆ-ի նախագահ Դոնալդ Թրամփը եւ Կանադայի վարչապետ Ջասթին Թրյուդոն մարտի 26-ին քննարկել են ռուս դիվանագետների արտաքսման հարցը «Սկրիպալի գոծի» առնչությամբ: Այդ մասին հաղորդել է Սպիտակ տան մամուլի ծառայությունը:
«Նախագահ Դոնալդ Թրամփն այսօր խոսեց Կանադայի վարչապետ Ջասթին Թրյուդոյի հետ՝ հավաստելու երկու երկրների համերաշխությունը Միացյալ Թագավորության (Մեծ Բրիտանիայի – խմբ.) հետ եւ քննարկելու ռուս հետախույզների արտաքսումն ի պատասխան Ռուսաստանի կողմից Միացյալ Թագավորության տարածքում ռազմական դասի քիամիական զենքի օգտագործման»,- ասված է Սպիտակ տան հայտարարության մեջ:
Ավելի վաղ Եվրամիության 16 երկրներ, ինչպես նաեւ ԱՄՆ-ը, Կանադան, Նորվեգիան, Ուկրաինան եւ մի շարք այլ երկրներ որոշում են ընդունել ռուս դիվանագետների արտաքսման մասին Սոլսբերիում տեղի ունեցած միջադեպի առնչությամբ:
Մասնավորապես, ԱՄՆ-ի իշխանությունները հայտարարել են, որ արտաքսում են 48 ռուս դիվանագետների եւ ՄԱԿ-ում ՌԴ-ի ներկայացուցչության 12 աշխատակիցների, ինչպես նաեւ փակում են Սիեթլում ՌԴ-ի հյուպատոսությունը:
