Պուտինի այցից առաջ Պեկինը զարդարել են ռուսական դրոշներով
Ռուսաստանի նախագահ Վլադիմիր Պուտինի այցից առաջ Պեկինը զարդարել են Ռուսաստանի և Չինաստանի դրոշներով։ Այս մասին հաղորդում է ТАСС-ը:
Գործակալությունը տեսանյութ է հրապարակել Չինաստանի մայրաքաղաքից, որտեղ երևում են Ռուսաստանի և Չինաստանի դրոշները, որոնք ծածանվում են ճանապարհի երկայնքով։
Մայիսի 19-ին Ռուսաստանի առաջնորդը պաշտոնական այցով կմեկնի Չինաստան՝ Չինաստանի նախագահ Սի Ծինփինի հրավերով։ Պուտինի այցը համընկնում է Բարիդրացիության, բարեկամության և համագործակցության մասին պայմանագրի ստորագրման 25-ամյակի հետ, որը երկկողմ հարաբերությունները ձևավորող հիմնարար փաստաթուղթ է։
Ավելի վաղ Չինաստանի արտաքին գործերի նախարարության խոսնակ Գո Ցզյակունը հայտարարել էր, որ Չինաստանը ողջունում է Ռուսաստանի նախագահի այցը Պեկին։ Նա հավելել է, որ բանակցությունների ընթացքում երկու առաջնորդները կքննարկեն տարբեր ոլորտներում համագործակցությունը, ինչպես նաև տարածաշրջանային և միջազգային հարցեր։
