Օբամեյանգը ժամանել է «Արսենալի» մարզաբազա, որտեղ բուժզննում կանցնի
Գաբոնցի հարձակվող Պյեր-Էմերիկ Օբամեյանգի տեղափոխությունը Դորտմունդի «Բորուսիայից» Լոնդոնի «Արսենալ» մոտենում է ավարտին: Ինչպես փոխանցում է SkySportsNews-ը, 28-ամյա ֆուտբոլիստը Գերմանիայից ժամանել է Լոնդոն ու արդեն գտնվում է «Արսենալի» մարզաբազայում, որտեղ կանցնի բուժզննում:
Սպասվում է, որ առաջիկա ժամերին կամ հունվարի 31-ին՝ տրանսֆերային պատուհանի վերջին օրը, կողմերը կկնքեն պայմանագիրը:
Ոչ պաշտոնական տվյալներով, անգլիական ակումբը «Բորուսիային» կվճարի 63 միլիոն եվրո:
