Լևոն Արոնյանը հաղթանակ է տարել Ջիբրալթարի մրցաշարի երկրորդ տուրում
Հայկական շախմատի առաջատար, աշխարհի գործող գավաթակիր Լևոն Արոնյանը հաղթանակ է տարել Ջիբրալթարի մրցաշարի երկրորդ տուրում:
Ջիբրալթարի միջազգային մրցաշարի երկրորդ տուրում Արոնյանի մրցակիցը հնդիկ միջազգային կարգի վարպետ Հեմանտ Շարման էր: Արոնյանը ոչ մեծ դժվարությամբ կարողացավ հաջողության հասնել: Հայաստանի մյուս ներկայացուցիչը` Լիլիթ Մկրտչյանը, կիսեց միավորը:
Ջիբրալթար Մասթերս խոշոր միջազգային մրցաշարին այս տարի մասնակցում է 274 շախմատիստ 50 երկրից, այդ թվում՝ 92 գրոսմայստեր: Մրցաշարում առաջին դասակարգված շախմատիստը հայկական շախմատի առաջատար Լևոն Արոնյանն է: Արոնյանի մրցակիցների թվում են հանրահայտ գրոսմայստերներ Մաքսիմ Վաշիե-Լագրավը, Ջիբրալթար Մասթերսի վերջին երեք տարիների հաղթող Հիկարու Նակամուրան, Դավիթ Նավարան, Պենտալա Հարիկրիշնան, Լե Քուան Լիեմը, Դուդա Յան-Քշիշտոֆը, Մայքլ Ադամսը, Վահ Հաոն, Նիկիտա Վիտյուգովը, Վասիլի Իվանչուկը և մի շարք այլ ուժեղագույն գրոսմայստերներ: Մրցաշարը կեզրափակվի փետրվարի 1-ին:
