«Իմ կարծիքով՝ Ալեքսիսը ցանկանում էր մնալ «Արսենալում». Ռոբեր Պիրես
«Արսենալի» նախկին կիսապաշտպան Ռոբեր Պիրեսը կարծիք է հայտնել, որ «Մանչեսթեր Յունայթեդ» տեղափոխված հարձակվող Ալեքսիս Սանչեսը դեմ չէր լոնդոնյան ակումբում մնալուն, բայց դրա հետ մեկտեղ՝ ղեկավարությունից պահանջում էր ուժեղացնել կազմը:
«Իմ կարծիքով՝ Ալեքսիսը ցանկանում էր մնալ «Արսենալում»: Ես չեմ խոսել նրա հետ, բայց ըստ իմ զգացողությունների՝ նա լավ էր հանդես գալիս «Արսենալում» և ուզում էր, որպեսզի ակումբը գումար ծախսի նոր ֆուտբոլիստներ ձեռք բերելու համար: Դա իմ կարծիքն է, և ես կարող եմ սխալվել:
Եթե դու ունես Սանչեսի նման ֆուտբոլիստ, ապա նախ՝ պետք է երկարաձգել նրա հետ պայմանագիրը, իսկ հետո՝ գնել նոր ֆուտբոլիստներ և փորձել հաղթել առաջնությունը: Չեմ հասկանում, թե ինչու այնպիսի ակումբը, ինչպիսին «Արսենալն» է, տալիս է իր լավագույն ֆուտբոլիստներին մրցակիցներին»,- Պիրեսին է մեջբերում La Tercera-ն:
Պատրաստեց Անի Գաբուզյանը
