Ավտոմեքենաներ են արգելափակվել. ջրափրկարարները դուրս են բերել «Mercedes»-ը

Դեկտեմբերի 6-ին՝ ժամը 21:25-ին, տեղեկություն է ստացվել, որ Գեղարքունիքի մարզի Նորաշեն գյուղի մոտակայքում «Mercedes C180» մակնիշի ավտոմեքենան դուրս է եկել ճանապարհի երթևեկելի հատվածից և արգելափակվել. անհրաժեշտ է փրկարարների օգնությունը:

Դեպքի վայր է մեկնել հատուկ ջրափրկարարական ջոկատից մեկ մարտական հաշվարկ:

Ջրափրկարարները Մ-10 ավտոճանապարհի Սևան-Գավառ հատվածի 12-րդ կմ-ից արգելափակումից դուրս են բերել «Mercedes C180» մակնիշի 35 OA 974 պետհամարանիշով ավտոմեքենան:

Դեկտեմբերի 6-ին՝ ժամը 19։52-ին, տեղեկություն է ստացվել, որ Գեղարքունիքի մարզի Սևան քաղաքի կամրջի մոտակայքում «Opel Astra G» մակնիշի ավտոմեքենան դուրս է եկել ճանապարհի երթևեկելի հատվածից և արգելափակվել փոսի մեջ. անհրաժեշտ է փրկարարների օգնությունը:

Դեպքի վայր է մեկնել հատուկ ջրափրկարարական ջոկատից մեկ մարտական հաշվարկ:

Ջրափրկարարները Մ-4 ավտոճանապարհի Սևան-Երևան հատվածի 1-ին կմ-ից արգելափակումից դուրս են բերել «Opel Astra G» մակնիշի 35 FX 287 պետհամարանիշով ավտոմեքենան:

Դեկտեմբերի 6-ին՝ ժամը 18։51-ին, տեղեկություն է ստացվել, որ Գեղարքունիքի մարզի Երանոս գյուղի մոտակայքում «Ford Transit» մակնիշի ավտոմեքենան դուրս է եկել ավտոճանապարհի երթևեկելի հատվածից և չի կարողանում շարունակել ընթացքը. անհրաժեշտ է օգնություն։

Դեպքի վայր է մեկնել Մարզային փրկարարական վարչության օպերատիվ խումբը:

Փրկարարներն արգելափակումից դուրս են բերել «Ford Transit» մակնիշի 25 US 164 պետհամարանիշով ավտոմեքենան:

Դեկտեմբերի 6-ին՝ ժամը 18:08-ին, տեղեկություն է ստացվել, որ Արագածոտնի մարզի Ռյա Թազա գյուղի մոտակայքում՝ ավտոճանապարհին հարակից ձորակում, առկա է վթարված ավտոմեքենա. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Հ-3 ավտոճանապարհի Ալագյազ-Ռյա Թազա հատվածի 4-րդ կմ-ին «Lexus» մակնիշի 35 MR 853 պետհամարանիշով ավտոմեքենան դուրս է եկել ճանապարհի երթևեկելի հատվածից և արգելափակվել ձյան մեջ:

Փրկարարները հոսանքազրկել են ավտոմեքենան և փակել գազի բալոնի փականը. ավտոմեքենան երթևեկելի հատված դուրս բերելու համար անհրաժեշտ է հատուկ տեխնիկա: