ԵՄ-ն 40 մլն դոլար է հատկացրել Իտալիային միգրացիոն ճգնաժամի դեմ պայքարելու համար
Եվրամիությունը լրացուցիչ 40 մլն դոլար օգնություն է հատկացրել Իտալիային միգրացիոն ճգնաժամի դեմ պայքարելու համար: Այդ մասին նոյեմբերի 24-ին հայտնել է Եվրահանձնաժողովի (ԵՀ) մամուլի ծառայությունը։
«Եվրահանձնաժողովն այսօր գրեթե 40 մլն դոլարի շտապ օգնություն է հատկացրել Իտալիային, որպեսզի նա ավելի լավ կարգավորի միգրացիոն հոսքերը, որոնք երկիր են հասնում Միջերկրական ծովով»,-ասված է հայտարարության մեջ: Հավելյալ միջոցները կօգտագործվեն ճգնաժամի դեմ պայքարի 11 նախագծերի զարգացման վրա:
Մասնավորապես, դրանք պետք է նպաստեն միգրանտների եւ ապաստան հայցողների համար պայմանների բարելավմանը, ներառյալ բժշկական օգնությունը եւ թարգմանիչների ծառայությունները: Իտալիայի ՆԳ նախարարության տվյալներով՝ տարեսկզբից ծովով Իտալիա են ժամանել 114 հազարից ավելի միգրանտներ, ինչը գրեթե 32 տոկոսով պակաս է, քան 2016 թվականի սկզբից մինչեւ նոյեմբեր ընկած նույն այդ ժամանակաշրջանում, հաղորդել է ՏԱՍՍ-ը:
