Ի՞նչ է լինելու ՎՊ կուսակցականների հետ
Հաշվեքննիչ պալատի աուդիտորները պետք է լինեն անկուսակցականներ, մինչդեռ առայժմ որպես Վերահսկիչ պալատ գործող այդ կառույցի խորհրդում կան կուսակցականներ: Մասնավորապես` ՎՊ խորհրդի անդամ Աբրամ Բախչագուլյանը ՀՀԿ-ական է, իսկ Արա Նռանյանը ՀՅԴ անդամ է:
Այսօր Աժ ֆինանսավարկային և բյուջետային հարցերի մշտական հանձնաժողովի նիստում Ելք խմբակցության պատգամավոր Մանե Թանդիլյանը հետաքրքրվեց, թե ի՞նչ է սպասվում:
Հանձնաժողովի նախագահ, ՀՀԿ ԳՄ անդամ Գագիկ Մինասյանը հավաստիացրեց, որ օրենքը բոլորի համար օրենք է և պետք չէ կանխավարկածներով առաջնորդվել:
«Որևէ անգամ մտքով չեմ կարող անցկացնել դա, օրենքն է ասում, թե ինչ պետք է արվի»,- ասաց Գ.Մինասյանը` չմանրամասնելով, թե այդ կուսակցականների հետ ի՞նչ է լինելու` նրանք ազատվելո՞ւ են աշխատանքից, թե՞ հրաժարվելու են կուսակցական գործունեությունից:
