Խորագիր:

Բժիշկները պարզել են՝ ինչպես են տատիկներն ու պապիկները վնասում իրենց թոռներին

Բժիշկները պարզել են՝ ինչպես են տատիկներն ու պապիկները վնասում իրենց թոռներին

Տատիկներն ու պապիկները վտանգի են ենթարկում իրենց թոռներին՝ նրանց գերսնելով եւ զերծ պահելով չափից ավելի ֆիզիկական բեռնվածությունից: Այս եզրակացությանն են եկել Գլազգոյի համալսարանի Բժշկական հետազոտությունների խորհրդի Հանրային առողջապահության բաժանմունքի մասնագետները:

Նրանց աշխատանքի արդյունքները հրապարակված են PLOS One հանդեսում։ Ուսումնասիրելով այս թեմային նվիրված 56 հետազոտություններ՝ փորձագետները եկել են այն եզրակացության, որ տատիկների ու պապիկների կողմից չափից ավելի մեծ հոգատարությունը հանգեցնում է այն բանին, որ թոռները տարիների հետ սկսում են տառապել ավելորդ քաշից եւ լուրջ հիվանդություններից:

Տատիկներն ու պապիկները շատ են վախենում, որ թոռնիկը կամ թոռնուհին կարող են կորել փողոցում, ուստի հաճախ նրանց թողնում են «տնային կալանքի» տակ՝ սահմանափակելով նրանց ակտիվությունը, ասում է Երեխայի զարգացման հիմնադրամի աշխատակից Թեմ Ֆրայը: Ուսումնասիրողները նաեւ պարզել են, որ շատ մեծահասակներ հաճախ ծխում են իրենց թոռների ներկայությամբ:

«Երեխաների մոտ շարունակաբար ծխելը կամ նրանց ինչ-որ բանով հյուրասիրելը մեծացնում է քաղցկեղով հիվանդանալու վտանգը նրանց աճի համեմատ»,-պնդում է դոկտոր Ստեֆանի Չեմբեռսը, որը գլխավորում է հետազոտությունը: Այդուամենայնիվ, բժիշկներն ընդունել են հուզական մակարդակով մտերիմ հարաբերությունների կարեւորությունը երեխաների եւ նրանց տատիկների ու պապիկների միջեւ, հաղորդել է ՌԻԱ Նովոստին:

 

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։