«Ժաննա Մորոն մարմնավորում էր ֆրանսիական կինոն». Մակրոն
89 տարեկան հասակում կյանքից հեռացել է ֆրանսիական կինոյի ամենամեծ աստղերից մեկը՝ Ժաննա Մորոն: Ինչպես հաղորդում է «Ֆրանսպրես»-ը, Մորոյի մարմինը հայտնաբերվել է Փարիզի իր բնակարանում:
Մորոյին լայն ճանաչում բերեց 1962թ-ին նկարահանված Ֆրանսուա Տրյուֆոյի «Ժյուլը և Ջիմը» ֆիլմը: Նա բազմաթիվ կինոմրցանակների հաղթող է, այդ թվում՝ Կաննի փառատոնի դափնեկիր: 1967թ-ին արժանացել է բրիտանական կինոակադեմիայի մրցանակի՝ Օրսոն Ուելլսի «Վիվա Մարիա» ֆիլմում գլխավոր դերի համար:
Ցավակցություն հայտնելով հայտնի դերասանուհու մահվան կապակցությամբ՝ Ֆրանսիայի նախագահ Էմանուել Մակրոնը նշել է, որ Մորոն. «մարմնավորում էր ֆրանսիական կինոն»:
