Կինն Աստծո գառ էր. հարևանները՝ Արմավիրի մարզպետի խորհրդականի սպանության մասին. tert.am
Արմավիրի մարզպետի խորհրդական Մանուկ Սիմոնյանի սպանությունից հետո ամբողջ Սարդարապատ գյուղը շոկի մեջ է:
Սիմոնյանի հարևանները Tert.am-ի հետ զրույցում ասացին, որ չէին պատկերացնում, թե ինչպես կարող է կինը ամուսնուն կացնահարել: Ըստ նրանց՝ և՛ կինը, և՛ ամուսինը շատ ջերմ, շնորհքով մարդիկ էին:
«Կինը համեստ, սուսիկ-փուսիկ էր, Աստծո գառ էր: Մենք վատ բան չենք տեսել, հարևանասեր մարդիկ էին»,- նշեց հարևաններից մեկը:
Հարևանները որդու կողմից էլ ոչ մի վատ բան չեն նկատել, մշտապես համակարգչային հարցերով օգնել է բոլորին:
Մինչ դեպքը հարևանները ոչ մի խնդիր չեն նկատել Սիմոնյանների ընտանիքում:
«Թե ինչ պատահեց, չհասկացանք: Իրենք այնպիսի զուսպ մարդիկ էին, որ իրենց գաղտնիքը դրսի մարդը չէր իմանա»,- ասաց մեկ այլ հարևան:
Մանրամասները՝ տեսանյութում:
Ամբողջությամբ՝ սկզբնաղբյուր կայքում։
