Պաշտոնական. Արնաուտովիչը «Վեսթ Հեմի» ֆուտբոլիստ է
Ավարտվեց «Սթոք Սիթիի» կիսապաշտպան Մարկո Արնաուտովիչի դեպի «Վեսթ Հեմ» տեղափոխությունը:
Ինչպես հաղորդում է «Վեսթ Հեմի» պաշտոնական կայքը, 28-ամյա ավստրիացի ֆուտբոլիստը հնգամյա պայմանագիր է կնքել լոնդոնյան ակումբի հետ: Ավելի վաղ հաղորդվել էր, որ «Վեսթ Հեմը» ֆուտբոլիստի համար վճարել է 27 մլն եվրո: Այս գործարքը դարձավ ռեկորդային լոնդոնյան ակումբի համար:
ԱՊԼ-ի նախորդ մրցաշրջանում Արնաուտովիչն անցկացրել է 32 խաղ, որոնցում դարձել է 6 գոլի և 6 փոխանցման հեղինակ:
Նշենք, որ «Սթոքում» ֆուտբոլիստին կարող են փոխարինել Ուկրաինայի հավաքականի ֆուտբոլիստներ Եվգենի Կոնոպլյանկան և Անդրեյ Յարմոլենկոն:
Պատրաստեց Անի Գաբուզյանը
