Մահացել է Զբիգնեվ Բժեզինսկին
Քաղաքագետ, սոցիոլոգ, ԱՄՆ նախագահ Ջիմի Քարտերի ազգային անվտանգության հարցերով խորհրդական Զբիգնեվ Բժեզինսկին վախճանվել է կյանքի 90-րդ տարում Վիրգինիա նահանգի ՖոլսՉերչ քաղաքի հիվանդանոցում: Այս մասին հայտնում է BBC-ն: Նրա մահվան մասին հայտնել է դուստրը՝ Միկան:
«Հայրս այսօր հանգչեց խաղաղությամբ: Նա իր ընկերներին հայտնի էր որպես Զբիգ, թոռներին՝ որպես «Շեֆ», իսկ կնոջը, որպես ամբողջ կյանքի
ամուր սեր: Ես ուղղակի գիտեի, որ նա ամենաոգեշնչող, սիրող ու նվիրված հայրն էր: Սիրում եմ քեզ, հայրիկ», գրել է Միկա Բժեզինսկայան «Ինստագրամում»:
Զբիգնեվ Բժեզինսկին լեհական ծագմամբ ամերիկացի քաղաքագետ է, սոցիոլոգ և պետական գործիչ: 1966-ից 1968թթ-ին Բժեզինսկին ընդգրկված էր ԱՄՆ Պետդեպի քաղաքականության պլանավորման խորհրդում:
