«Առաջիկա 5 օրերի ընթացքում եղանակը չի փոխվի». Գագիկ Սուրենյան
Պտտահողմի վտանգ մեզ մոտ չկա։ 168.am-ի հետ զրույցում այս մասին ասաց ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։
Հիշեցնենք, որ իր ֆեյսբուքյան էջում Սուրենյանը երեկ գրել էր. «Ամպի հիմքը 2000մ, գագաթը 16000մ բարձրության վրա, ամպի գագաթին ջերմաստիճանը -55 աստիճան, ուղղահայաց հզորությունը 14000մ : Մի փոքր էլ զարգացում և պտտահողմի ձևավորումը պատրաստ էր, լավ պրծանք….»։
Ինչ վերաբերում է եղանակային պայմանների փոփոխությանը՝ նա հետևյալն ասաց.
«Առաջիկա 5 օրերի ընթացքում եղանակը չի փոխվի, նույն եղանակային պայմանները կպահպանվեն (անձրև, քամի)։ Կարկուտի վտանգ մարզերում կա, մարզերը չենք առանձնացրել, որովհետև կարկուտն անկանխատեսելի է տեղում»։
Հարցին, իսկ 5 օր անց եղանակը կտաքանա՞, ի՞նչ է սպասվում, նա այսպես պատասխանեց. «Դեռ հայտնի չէ՝ 5 օրից եղանակը կտաքանա՞, թե՞ ոչ»։
