Ճապոնիայում հաջողությամբ վերագործարկել են «Տակահամա» ատոմակայանի ռեակտորը
Ֆուկիի պրեֆեկտուրայում Ճապոնիայի «Տակահամա» ատոմակայանի չորրորդ ռեակտորի վերագործարկումը, որն իրականացվել է մայիսի 17-ին, անցել է հաջողությամբ: Այս մասին հայտնել է Kansai Electric Power (KEPCO) էներգետիկական ընկերությունը:
Առեւտրային օգտագործման համար ցանցին էներգաբլոկի միացումը տեղի կունենա մեկ ամիս հետո: Հունիսի սկզբին KEPCO-ն մտադիր է վերագործարկել այդ նույն ատոմակայանի երրորդ ռեակտորը:
Մինչեւ 2011 թվականին «Ֆուկուսիմա1» ատոմակայանի վթարը Ճապոնիայի էներգահաշվեկշռում ատոմային էներգետիկային բաժին էր ընկնում շուրջ 30 տոկոսը:
Դրանից ժամանակավոր հարկադիր հրաժարման հետեւանքով երկիրն ստիպված էր էլետրիֆիկացման հիմնական բեռը դնել ջերմակայանների վրա: Այժմ երկրում գործում են «Սենդայ» ԱԷԿ-ի (Կագոսիմայի հարավարեւմտյան պրեֆեկտուրա) երկու ռեակտորները եւ «Իկատա» ԱԷԿ-ի (Կյուսյու կղզի) մեկ էներգաբլոկ, հաղորդել է ՏԱՍՍ-ը։
