Թրամփին առաջարկել են մամուլից պաշտպանվել սրով
ԱՄՆ-ի ներքին անվտանգության նախարար Ջոն Քելլին նախագահ Դոնալդ Թրամփին առաջարկել է նվեր ստացած սուրն օգտագործել մամուլի դեմ: ԱՄՆ-ի Ծովային հետեւակի ակադեմիայի ավարտական արարողության տեսահեռարձակման կադրերը մայիսի 17-ին հրապարակել է The Washington Free Beacon լրատվական կայքը։
Տեսագրության մի հատվածում ուսումնական հաստատության ներկայացուցիչը Թրամփին է հանձնում սուրը, այնուհետեւ զենքը տանում են, իսկ նախագահը նստում է Քելլիի կողքին: Այդ պահին լսելի են նախարարի խոսքերը: Թրամփը կատակին արձագանքել Է քմծիծաղով եւ արտասանել. «Այո՛»:
Թրամփն ավելի վաղ բազմիցս հայտարարել է, որ ամերիկյան զանգվածային լրատվամիջոցների մեծ մասը միտումնավոր հանդես է գալիս իր դեմ՝ անհավաստի տեղեկատվություն հրապարակելով։
