Վաչե Գաբրիելյանը մասնակցել է ԱԶԲ կառավարիչների խորհրդի նիստին
Ճապոնիայի Յոկոհամա քաղաքում մայիսի 4-8-ը կայացել է Ասիական զարգացման բանկի կառավարիչների խորհրդի 50-րդ տարեկան նիստը, որին մասնակցել են ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը, ՀՀ ֆինանսների նախարարի տեղակալ Արմեն Հարությունյանը և ՀՀ միջազգային տնտեսական ինտեգրման և բարեփոխումների նախարարի խորհրդական Ռաֆայել Ավետիսյանը:
Ինչպես տեղեկացրին ՀՀ կառավարության տեղեկատվության և հասարակայնության հետ կապերի վարչությունից, համաժողովի ընթացքում քննարկվել են Ասիական զարգացման բանկի հետ համագործակցության շրջանակներին առնչվող տնտեսական և ֆինանսական հարցեր, ինչպես նաև կայացել են մի շարք երկկողմ հանդիպումներ:
