Իտալիայի և Լյուքսեմբուրգի ԱԳ նախարարներն անհնար են համարում Թուրքիայի անդամակցությունը ԵՄ-ին
Լյուքսեմբուրգի և Իտալիայի արտաքին գործերի նախարարները լավատեսներ չեն Եվրամիությանը Թուրքիայի անդամակցության հնարավորության հարցում: Նրանք տեսակետներ են հայտնել այն մասին, որ Թուրքիայում սահմանադրական հանրաքվեից հետո անդամակցության գործընթացն անհնարին է դառնում:
Գերմանական Süddeutsche Zeitung-ին տված հարցազրույցում Լյուսքսեմբուրգի արտգործնախարար Ժան Ասելբորնը հայտնել է, որ սահամանադրության փոփոխությունների հանրաքվեից հետո «նոր սահմանադրությամբ և ավտորիտարիզմով Թուրքիայի` Եվրամիությանն անդամակցությունը հնարավոր չէ»:
Իսկ Իտալիայի արտգործնախարար Անգելինո Ալֆանոն Corriere della Sera-ին ասել է, որ այս պահին Թուրքիայի` ԵՄին անդամակցելու մասին խոսք չի կարող գնալ: Նա, մասնավորապես, ընդգծել է, որ այդ երկրում մահապատժի վերականգնումը Թուրքիային ավելի կհեռացնի Եվրամիությունից:
