Վրաստանի նախագահը ներում է շնորհել 91 կալանավորի
Վրաստանի նախագահը Զատիկի տոնի կապակցությամբ ներում է շնորհել 91 կալանավորների, որոնց թվում կա չորս կին: Նրանցից 62-ը, այդ թվում՝ երեք կանայք, պատժավայրը կլքեն արդեն ապրիլի 12-ին: Մնացածների պատժաժամկետը կրճատված է, տեղեկացնում է «Գրուզիա Online»-ը:
Վրաստանի նախագահն այսօր կարգադրություն է ստորագրել «Տարբեր պատժաժամկետների դատապարտված կալանավորների համաներման մասին, որի համաձայն ընդամենը ներում է շնորհվել 91 բանտարկյալների: Նրանց թվում համաներման ակտը վերաբերել է չորս կանանց»,-հայտնել է համաներման հանձնաժողովի նախագահ Զվիադ Քորիձեն: Նախագահի կարգադրությունն արդեն ուղարկվել է պրոբացիայի գործերի եւ պատիժների ի կատար ածման նախարարություն:
