Իրանը դատապարտել է քիմիական զենքի կիրառումն Իդլիբում
Իրանի արտաքին գործերի նախարարությունը հանդես է եկել Սիրիայի Իդլիբի նահանգում հնարավոր քիմիական գրոհի դատապարտմամբ՝ իր օգնությունն առաջարկելով տուժածներին։
«Մենք վճռականորեն դատապարտում ենք քիմիական զենքի ցանկացած կիրառում՝ ով էլ որ այն օգտագործի, եւ ով էլ որ դառնա դրա զոհը»,-հայտարարել է Իսլամական
Հանրապետության ԱԳ նախարարության ներկայացուցիչ Բահրամ Քասեմին, որի խոսքը
հրապարակված է գերատեսչության կայքում: «Իրանը՝ որպես քիմիական զենքից առավել տուժած երկիր, ցավակցություն է հայտնում Սիրիայի Իդլիբի նահանգի Խան Շեյխունում զոհվածների ըթնտանիքներին եւ հայտարարում է, որ պատրաստ է օգնել տուժածներին ընդունելու եւ օգնություն ցուցաբերելու հարցում»,-նշել է Քասիմին։
