Մի քանի երկրներ պատրաստ են հրաժարվել «Եվրատեսիլ»-ից հաջակցություն Սամոյլովայի. EBU
Եվրոպական հեռարձակողների միության (EBU) ղեկավար Ինգրիդ Դելենտրեն Ուկրաինայի իշխանություններին պաշտոնապես ծանուցել է «Եվրատեսիլ-2017»-ին մասնակցելուց մի քանի երկրների հրաժարվելու մտադրության մասին Ուկրաինայի անվտանգության խորհրդի (ՈւԱԽ) կողմից երկիր ռուս երգչուհի Յուլյա Սամոյլովայի մուտքի արգելման պատճառով:
Այդ մասին հայտնել է oikotimes.com ռեսուրսը, որը մասնագիտանում Է մրցույթի վերաբերյալ նորությունների լուսաբանման բնագավառում:
Դելենտրեն համապատասխան նամակով դիմել է Ուկրաինայի վարչապետ Վլադիմիր Գրոյսմանին:
«Եթե դուք հաստատեք մուտքի արգելքը (Սամոյլովայի համար), դա որոշակիորեն խիստ բացասաբար կազդի Ուկրաինայի միջազգային համբավի վրա»,-հայտարարել է Դելենտրեն:
Ինչպես գրել է EBU-ի ղեկավարը, միության առանձին անդամ երկրներ քննադատել են Յուլյա Սամոյլովային «Եվրատեսիլ»ին չթողնելու ՈւԱԽ-ի որոշումը եւ հայտարարել, որ կարող են հրաժարվել մրցույթին մասնակցելուց:
Նաեւ Դելենտրեն չի բացառել, որ ապագայում Ուկրաինային կհեռացնեն կազմակերպության միջոցառումներին մասնակցելուց, հաղորդել է ՌԻԱ Նովոստին:
