ԱՄՆ պետքարտուղարի տեղակալը կայցելի Թուրքիա
Միացյալ Նահանգների պետդեպարտամենտի պետքարտուղարի տեղակալ Թոմաս Շենոնը կայցելի Թուրքիա: Այս մասին հայտնում է Sputnik-ի թուրքական ծառայությունը:
Շենոնը Անկարայում կլինի ապրիլի 3-4-ը և կհանդիպի Թուրքիայի փոխարտգործնախարար Ումիթ Յալչընի հետ: Հանդիպմանն ակնկալվում է քննարկել երկկողմ հարաբերություններն ու տարածաշրջանային կարևոր հարցեր:
Նախօրեին Թուրքիա էր այցելել ԱՄՆ պետքարտուղար Ռեքս Թիլերսոնը, ով հանդիպումներ էր անցկացրել այդ երկրի վարչապետի, նախագահի ու արտգործնախարարի հետ:
