Եվրոպական ակումբները հրաժարվել են Սուպերլիգա ստեղծելուց
Չստացվեց:
Եվրոպայի թոփ-ակումբները 2016 թվականին քննարկել են միասնական հզոր լիգա ստեղծելու հնարավորությունը, բայց 2017թ. սկզբին հանգել են այն բանին, որ այն պետք չէ: Եվրոպական ակումբային ասոցիացիայի նախագահ Կարլ-Հայնց Ռումենիգեն պատմել է նախագծի մանրամասների մասին:
«Մենք միանգամայն համաձայն ենք Չեմպիոնների լիգայի և Եվրոպայի լիգայի բարեփոխումների հետ, որոնք ուժի մեջ կմտնեն 2018 թվականին: Սուպերլիգայի հարցով ոչ մի բանակցություններ չեն լինի: Չեմպիոնների լիգան կլինի ավելի գրավիչ և ուժեղ, քան երբևէ»,- հայտարարել է Ռումենիգեն:
Ենթադրվում էր, որ Սուպերլիգային պետք է մասնակցեին թոփ ակումբներ Անգլիայից, Իսպանիայից, Գերմանիայից, Իտալիայից և Ֆրանսիայից:
Պատրաստեց Անի Գաբուզյանը
