ՄԻԵԴ վճիռը՝ Հայաստանի դեմ. դատարանը կառավարությանը պարտավորեցրել է 3600 եվրո վճարել
Մարդու իրավունքների եվրոպական դատարանը հերթական վճիռն է կայացրել ընդդեմ Հայաստանի։ Դատարանն այսօր հրապարկել է «Ավակեմյանն ընդդեմ Հայաստանի» գործով վճիռը, որով իրավունքի խախտումներ են ճանաչվել։
Մասնավորապես, Մարդու իրավունքների եվրոպական դատարանն արձանագրել է Կոնվենցիայի 6-րդ՝ արդար դատաքննության իրավունք և 13-րդ հոդվածների՝ իրավական պաշտպանության արդյունավետ միջոցի իրավունք խախտումներ, ինչպես նաև Կոնվենցիայի 1-ին Արձանագրության 1-ին հոդվածի՝ սեփականության պաշտպանությունը խախտում:
Դատարանը Հայաստանի կառավարությանը պարտավորեցրել է որպես փոխհատուցում վճարել 3600 եվրո՝ որպես բարոյական վնասի փոխհատուցում։ Նշենք, որ դիմումատուի շահերը ներկայացրել է փաստաբան Հայկ Ալումյանը։
