Տեխասում բապտիստական եկեղեցու 13 ծխականներ են զոհվել ավտովթարից

13 մարդ է զոհվել ավտոբուսի եւ ոչ մեծ բեռնատարի ճակատային բախման հետեւանքով, եւս երկուսը տուժել են: Աս մասին հայտնել է Reuters­-ը:

Ավտոբուսում եղել է 14 մարդ՝ բապտիստական եկեղեցու ծխականներ, հիմնականում տարեց մարդիկ: Բեռնատարում եղել է միայն վարորդը: Նրան ուղղաթիռով տեղափոխել են հիվանդանոց: Վթարը տեղի է ունեցել Սան Անտոնիո քաղաքից 120 կիլոմետր արեւմուտք ընկած շրջանում:

Եկեղեցու պաշտոնական ներկայացուցիչները հավաստել են ճանապարհատրանսպորտային պատահարի վերաբերյալ տեղեկատվությունը: Նրանց հայտնել են, որ մարդիկ տուն էին վերադառնում բապտիստների քաղաքամերձ կենտրոնում երեք օր մնալուց հետո:

https://www.youtube.com/watch?v=HpljQXZYXHc