Մադեյրայի օդանավակայանը վերանվանվել է Կրիշտիանու Ռոնալդուի պատվին
Պորտուգալիայի Մադեյրա կղզու օդանավակայանը անվանակոչվել է երկրի ֆուտբոլի հավաքականի և Մադրիդի «Ռեալ»-ի հարձակվող Կրիշտիանու Ռոնալդու պատվին: Ինչպես հաղորդում է Interfax-ը, այս մասին տեղեկացնում է AP-ն:
Այսուհետ օդանավակայանի անունը պաշտոնապես լինելու է Aeroporto Cristiano Ronaldo, իսկ շենքի ներսում տեղադրված է լինելու ֆուտբոլիստի կիսանդրին:
Ռոնալդուն անձամբ ներկա էր անվանափոխության արարողությանը: «Գիտեք, թե ես ինչ հպարտ եմ իմ արմատներով, իմ հայրենիքով»,- ասել է ֆուտբոլիստը:
Կրիշտիանու Ռոնալդուն ծնվել է Մադեյրա կղզու մայրաքաղաք Ֆունշալում 1985թ-ին:
