Թուրքական համալսարանը հետ է վերցրել Օզդեմիրին տրված պատվավոր դոկտորի կոչումը
Թուրքիայի Թունջելի քաղաքում գտնվող Մունզուր համալսարանի ղեկավարությունը որոշում է կայացրել հետ վերցնել Գերմանիայի Կանաչների կուսակցության համանախագահ Ջեմ Օզդեմիրին դեռևս 2008 թվականին տրված պատվավոր դոկտորի կոչումը:
Այս մասին հայտնում է թուրքական CNN Turk-ը՝ նշելով, որ պատճառը Թուրքիայի վերաբերյալ Օզդեմիրի հայտարարություններն են:
Համալսարանի պաշտոնական կայքում տեղադրված հայտարարության մեջ նշվում է, որ նման որոշում են կայացրել Օզդեմիրի կողմից «Թուրքիայի Հանրապետությանը և մեր ազգին նվաստացնող վերաբերմունք ցուցաբերելու» համար:
