Փարպեցու փողոցում դի է հայտնաբերվել
Մարտի 27-ին, ժամը 23:10-ին ահազանգ է ստացվել, որ Երևան քաղաքի Ղազար Փարպեցու փողոցի թիվ 9բ շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. դուռը բացելու համար անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել մեկ մարտական հաշվարկ: Փրկարարները բացել են բնակարանի դուռը և ննջասենյակի հատակին հայտնաբերել բնակչի դին:
