Տեսագրել են սուզորդուհու վրա շնաձկան հարձակման փորձը

ԱՄՆ-­ում տղամարդը դրոնի միջոցով պատահաբար տեսագրել է իր ընկերուհու վրա շնաձկան հարձակման փորձը։

Միջադեպը տեղի է ունեցել Ֆլորիդայի նահանգում՝ Ուեստ Փալմ Բիչ լողափին: Տղամարդը խցիկով նկարահանում էր ընկերուհուն, որը լողում էր լաստերով եւ դիմակով: Հանկարծ կադրում հայտնվել է շնաձուկը, որն արագորեն լողացել է դեպի աղջիկը, իսկ այնուհետեւ կտրուկ շրջվել եւ անհետացել:

Տեսագրության հեղինակը ենթադրել է, որ գիշատչի թիրախը մարդը չէր. շնաձուկը շարժվող լաստերը կարող էր ձկան լողաթեւերի տեղ դնել:

https://www.youtube.com/watch?v=JLA6-CGU4v0