Օլանդը խոստացել է թույլ չտալ ազգայնականության հաղթանակը Ֆրանսիայում
Ֆրանսիայի նախագահ Ֆրանսուա Օլանդը հայտարարել է, որ նախքան պետության ղեկավարի պաշտոնում լիազորությունների ժամկետի լրանալը իր գլխավոր նպատակը պոպուլիզմի, ազգայնականության եւ ծայրահեղականության հաղթանակը թույլ չտալն է ամբողջ աշխարհում եւ, մասնավորապես, Ֆրանսիայում։
«Ես պետք է այնպես անեմ, որ պոպուլիզմը, ազգայնականությունն ու ծայրահեղականությունը չկարողանան հաղթել, այդ թվում՝ իմ երկրում»,-Սինգապուրում ասել է Օլանդը լրագրողներին:
Ֆրանսիայում նախագահական ընտրությունների առաջին փուլը պլանավորված է ապրիլի 23-ին, երկրորդը՝ մայիսի 7-ին, հաղորդել է «Ինտերֆաքս»-ը։
