«Բարսելոնան» «Լիվերպուլին» կառաջարկի Իվան Ռակիտիչին՝ որպես Կոուտինիոյի արժեքի մի մաս
Կատալոնացիները լուրջ են տրամադրված:
«Բարսելոնան ամեն ինչ անում է, որպեսզի ձեռք բերի «Լիվերպուլի» և Բրազիլիայի հավաքականի կիսապաշտպան Ֆիլիպե Կոուտինիոյին: 24-ամյա բրազիլացու գինը մի փոքր իջեցնելու համար կապտանռագույնները պատրաստ են մերսիսայդցիներին առաջարկել խորվաթ կիսապաշտպան Իվան Ռակիտիչին: Այդ մասին հաղորդում է Liverpool Echo-ն:
Կոուտինիոյի պայմանագիրը նախատեսված է մինչև 2022թ.: Նոյեմբերին Le10sport.com-ը պնդում էր, որ «Լիվերպուլը» բրազիլացու համար պահանջում է 75 մլն եվրո:
2016-17թթ. մրցաշրջանի 27 խաղերում Ֆիլիպեն խթել է 7 գոլ և կատարել է 7 փոխանցում: Դեկտեմբերին Կոուտինիոն ճանաչվեց լավագույն բրազիլացի լեգեոներ, ով հանդես է գալիս Եվրոպայում:
Պատրաստեց Անի Գաբուզյանը
