Արտաշատում դի է հայտնաբերվել
Մարտի 26-ին, ժամը 20:57-ին ահազանգ է ստացվել, որ Արարատի մարզի Արտաշատ քաղաքի Գործարանային փողոցի թիվ 4 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. դուռը բացելու համար անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել մեկ մարտական հաշվարկ: Փրկարարները բացել են դուռը և ներսում հայտնաբերել 1964 թ. ծնված Մ. Ն.-ի դին:
