«Ինչպե՞ս եմ ավարտելու կարիերաս: Հնարավոր է՝ Զիդանի ոճով՝ գլխի հարվածով». Ջանլուիջի Բուֆֆոն
«Յուվենթուսի» դարպասապահը կիսվել է մտքերով, թե երբ և ինչպես կավարտի կարիերան:
«Ինչպե՞ս կավարտեմ կարիերաս: Հնարավոր է՝ գլխի հարվածով, ինչպես Զինեդին Զիդանը»,- հայտարարել է Ջանլուիջին:
Ուրբաթ Իտալիան 2018թ. Աշխարհի առաջնության ընտրական մրցաշարի շրջանակներում կխաղա Ալբանիայի հետ: Այդ խաղը Ջիջիի կարիերայում կդառնա 1000-րդը:
«1000-րդ խա՞ղը: Դեռ այդքան էլ կա»,- կատակել է Բուֆֆոնը:
Զիդանի վերջին խաղը պրոֆեսիոնալ կարիերայում դարձավ 2006թ. Աշխարհի առաջնության եզրափակիչը: Զիդանը հեռացվեց դաշտից իտալացի Մարկո Մատերացիի կրծքին գլխով հարվածելու համար:
Պատրաստեց Անի Գաբուզյանը
