Մարին լե Պենը հորդորել է աշխարհը փրկել «գլոբալիզմից և իսլամական ֆունդամենտալիզմից»
Ֆրանսիայի նախագահի թեկնածու, «Ազգային ճակատ» կուսակցության առաջնորդ Մարին լե Պենը, որը ժամանել է Ռուսաստան, հայտարարել է, թե աշխարհին երկու գլխավոր վտանգ է սպառնում, տեղեկացնում է «Ինտերֆաքս»-ը:
«Այս նոր աշխարհը, որն այժմ ծնվում է մեր աչքի առաջ, արդեն բախվում է երկու վիթխարի, խոշորագույն մարտահրավերների՝ գլոբալիզմին եւ իսլամական ֆունդամենտալիզմին»,-ասել է լե Պենը մարտի 24-ին Մոսկվայում Պետդումայի միջազգային գործերի կոմիտեի անդամների հետ կայացած հանդիպմանը:
Նա հավելել է, որ իսլամական արմատականությունը խաղաղությանն ու անվտանգությանը հարվածներ է հասցնում ահաբեկչական գործողությունների միջոցով։
