«Էրդողանը եվրամիությանը սպառնում է ամառվա քաոսով». The Times
Անգլիական «The Times» հեղինակավաոր պարբերականը «Էրդողանը ԵՄ-ին քաոսային ամառով է սպառնում» հոդվածում կանխատեսում է Թուրքիայի կողմից միգրացիոն համաձայնագրի չեղարկում:
Հոդվածագիրը Եվրամիությանը զգուշացրել է պատրաստ լինել ամռանը սպասվող քաոսին, քանի որ Թուրքիայի նախագահ Ռեջեփ Թայիփ Էրդողանը կարող է իր երկրում ապաստանած սիրիացի ու իրաքցի փախստականների առաջ բացել Եվրոպա գնալու ճանապարհները:
Ըստ թուրքական «NTV.com.tr» լրատվական կայքի` վերլուծաբանը նշել է, որ Էրդողանը կարող է հիմքեր գտնել փախստականների ճանապարհը բացելու համար, քանի որ Եվրոպան արհամարհել է իրեն:
Նշվում է, որ Արևմուտքի և Թուրքիայի հարաբերությունների վատթարացման տեսանկյունից մեծ դեր ունեն այդ երկրի հետ ԵՄ եվրաանդամակցության բանակցությունները:
«Մենք երբեք չենք ցանկացել Թուրքիային մեր կազմում տեսնել: Բնակչության արագ աճը, մուսուլմանական ինքնությունը և կոնֆլիկտային գոտիներին հարևան լինելը դժվարացրել են Թուրքիայի մուտքը Եվրամիություն»,- գրում է թերթը:
