LG Electronics-ը կունենա սեփական շարժական վճարային համակարգը
Հարավկորեական LG Electronics ընկերությունն ստեղծում է LG Pay սեփական շարժական վճարային համակարգը: Ինչպես հայտնել է Ռյոնհապ գործակալությունը, համապատասխան համաձայնությունը ձեռք է բերվել ԱՄՆ-ի Dynamics ֆիրմայի հետ։
«Համաձայնագրին համապատասխան՝ LG-ն կօգտագործի Dynamics-ի մշակած անհաղորդալար մագնիսական տեխնոլոգիան: Վճարային համակարգը պլանավորվում է գործարկել 2017 թվականի հունիսին»,-նշել է գործակալությունը:
Տեխնոլոգիան թույլ է տալիս գնումները վճարել բանկային քարտերի ընթերցման համար սովորական սարքին սմարթֆոնի հպման միջոցով: Երկրում արդեն գործում է Samsung Pay համանման վճարային համակարգը, հաղորդել է ՏԱՍՍ-ը:
