«Երբեք չեմ մարզի «Ռեալը»». Դիեգո Սիմեոնե
Էլ Չոլոն ուզում է կատարելագործվել:
«Երբեք չեմ մարզի «Ռեալը»: Դա տրամաբանական է: Նրանք ինձ չեն էլ կանչի:
Ես երիտասարդ եմ, ապագայում հնարավոր է՝ աշխատեմ այլ թիմի հետ Իսպանիայում: Մի օր ուզում եմ գլխավորել Արգենտինայի հավաքականը, բայց մինչ այդ պետք է կատարելագործվել՝ որպես մարզիչ»,- Սիմեոնեին է մեջբերում FourFourTwo-ն:
Դիեգոն մադրիդյան ակումբի հետ աշխատում է 2011 թվականից:
Այս ընթացքում նա հաղթել է Պրիմերան, Իսպանիայի գավաթը, Իսպանիայի սուպերգավաթը, Եվրոպայի լիգան և ՈւԵՖԱ-ի սուպերգավաթը: Էլ Չոլոն 2 անգամ հասել է մինչև Չեմպիոնների լիգայի եզրափակիչ, բայց 2 անգամ էլ պարտվել է «Ռեալին»:
Պատրաստեց Անի Գաբուզյանը
