Բուլղարացի ցուցարաները փակել են թուրք-բուլղարական սահմանի անցակետերը
Բուլղարացի ցուցարարները մարտի 21-ին փակել են թուրքբուլղարական սահմանի մի շարք անցակետեր: Այս մասին հայտնում է «Ռիա Նովոստի»-ն:
Ցուցարարների կողմից անցակետերի փակման պատճառը «ընտական զբոսաշրջության» կանխումն է մինչև մարտի 26-ին Բուլղարիայում կայանալիք խորհրդարանական ընտրությունները:
Պարզ է դարձել, որ մեծ թվով Բուլղարիայի քաղաքացիներ, ովքեր բնակվում են Թուրքիայում, որոշել են ընտրություններին մասնակցել ոչ թե Թուրքիայի, այլ Բուլղարիայի տարածքում:
Այդ նպատակով բուլղարական մի շարք կուսակցություններ երեքշաբթի օրը կազմակերպել են ավտոբուսներով Թուրքիայում բնակվող բուլղարացիների տեղափոխում Բուլղարիա: Ցուցարարների կարծիքով` այդ ամենը կարող է սպառնալ երկրի անվտանգությանը, ինչպես նաև ընտությունների արդյունքների կեղծման հիմքեր ստեղծել:
Մարտի 17-ին Բուլղարիայի իշխանությունները ետ էին կանչել Թուրքիայում իրենց դեսպանին խորհրդակցությունների համար: Պաշտոնական Սոֆիան իր դժգոհությունն էր հայտնել այն փաստի կապակցությամբ, որ Թուրքիան ցանկանում է միջամտել Բուլղարիայի ներքին գործերին:
Թուրքիայի աշխատանքի և սոցիալական ապահովության նախարար Մեհմեթ Մյուեզզինօղլուն Բուլղարիայի թուրքական սփյուռքին կոչ էր արել այդ երկրի խորհրդարանական ընտրություններում քվեարկել ԴՈՍՏ կուսակցության օգտին: Բուլղարիայի արտահերթ խորհրդարանական ընտրությունները տեղի են ունենալու մարտի 26-ին:
