Նեյմարը դեմ չի լինի կարիերան շարունակել «Մանչեսթեր Յունայթեդում»
«Բարսելոնայի» վինգեր Նեյմարը չի բացառում, որ ապագայում կարող է տեղափոխվել «Մառախլապատ Ալբիոն»: «Կապտանռնագույնների» հերթական մարզումից հետո բրազիլացին պատմել է ապագայի իր պլանների մասին:
«ԱՊԼ-ն այն առաջնությունն է, որն ինձ շատ է դուր գալիս: Ինձ այդ երկրում դուր է գալիս խաղաոճը, ինչպես նաև՝ այնտեղի թիմերը, և ով գիտի… Մի օր ես կցանկանայի խաղալ ԱՊԼ-ում, այո:
Իմ սիրած ակումբներն են «Մանչեսթեր Յունայթեդը», «Չելսին», «Արսենալը» և «Լիվերպուլը». դրանք այն թիմերն են, որոնք միշտ պայքարում են մինչև վերջ: Բացի այդ, ԱՊԼ-ում աշխատում են բարձրագույն մակարդակի մարզիչներ, ինչպիսիք են Ժոզե Մոուրինիոն և Պեպ Գվարդիոլան: Նրանք մասնագետներ են, որոնց հետ կցանկանա աշխատել յուրաքանչյուր ֆուտբոլիստ»,- ասել է Նեյմարը The Sun-ին տված հարցազրույցում:
Պատրաստեց Անի Գաբուզյանը
