Ռեքս Թիլերսոնը ապրիլին այցելելու է Ռուսաստան. Պետդեպ
ԱՄՆ պետքարտուղար Ռեքս Թիլերսոնը ապրիլին կուղեւորվի Իտալիա՝ հանդիպելու «յոթնյակի» երկրների արտաքին գործերի նախարարների հետ, իսկ այնուհետեւ կայցելի Ռուսաստան: Այս մասին ՏԱՍՍ-ին հայտնել է Պետդեպարտամենտի ներկայացուցիչը:
«Ապրիլին նա կուղեւորվի Իտալիա՝ մասնակցելու «յոթնյակի» երկրների ներկայացուցիչների հանդիպմանը, իսկ այնուհետեւ կայցելի Ռուսաստան»,- ասել է գերատեսչության ներկայացուցիչը:
Ավելի վաղ Reuters գործակալությունը՝ հղում անելով աղբյուրի, հայտնել էր, որ Թիլերսոնն ապրիլի 12-ին այցով կժամանի Մոսկվա: Գործակալությունը նաեւ տեղեկացրել է, որ պետքարտուղարը պլանավորում է բաց թողնել ՆԱՏՕ-ի 28 երկրների արտաքին գործերի նախարարների հանդիպումը, որը ապրիլի 5-6-ին պետք է կայանա Բրյուսելում, քանի որ այդ ժամանակ ԱՄՆ է ժամանելու ՉԺՀ-ի նախագահ Սի Ցզինպինը:
