«Արտակ Սարգսյանը չի կարա նեղացած լինի ինձանից կամ ես Արտակ Սարգսյանի շտաբը փակած լինեմ». Արթուր Գեւորգյան. «Փաստ»

«Փաստ» թերթը զրուցել է Դավիթաշենում ՀՀԿ–ից առաջադրված ՀՀԿ պատգամավոր Արթուր Գեւորգյանի հետ:

– Պարոն Գեւորգյան, Ձեր ընտրատարածքի «Ազատ դեմոկրատների» թեկնածուն ասաց, որ Դավիթաշենում հնարավոր չէ շտաբ վերցնել, քանի որ Դուք, էսպես ասած, բռնազավթել եք բոլոր տարածքները:

– Լավ էլի, ինձ ոչ մեկը դեռ չի դիմել: Ով դիմել է, օգնել ենք, շտաբ է վերցրել, եթե խնդիր է ունեցել:

– Բայց Ձեզ ինչո՞ւ պիտի դիմեին Դավիթաշենում շտաբ վերցնելու համար:

– Դե, հիմա մարդ կա, դիմել է, ասել է չենք կարողանում վարձով տարածք ճարենք, ես օգնել եմ, որ վարձով տարածք ճարեն: Նենց որ ոչ մի սահմանափակում չկա: Ես այդ թեկնածուին չեմ ճանաչում: Իսկ ինչի մասին, որ խոսում է՝ շտաբ է փակվել եւ այլն, անհեթեթություն ա:

– Թեկնածուն ասաց, որ «ՍԱՍ»–ի սեփականատեր Արտակ Սարգսյանը Դավիթաշենում 4 տարածք է փակել:

– Դա պիտի Արտակ Սարգսյանին հարցնեք, թե արդյոք կա՞ նման բան, որ իր շտաբները փակվել են կամ ինչ-որ մեկին նեղացրել են, բացառված ա: ԲՀԿ–ն էլ ունի շտաբ, դաշնակներն էլ ունեն շտաբ, ՕԵԿ-ն էլ ունի: Բոլորն էլ ունեն շտաբներ: Ով ուզեցել ա շտաբ ունենա, խնդրել են մարդիկ, եթե չեն կարողացել, օգնել ենք: Արտակ Սարգսյանը չի կարա նեղացած լինի ինձանից կամ ես Արտակ Սարգսյանի շտաբը փակած լինեմ, որովհետեւ Արտակ Սարգսյանն իմ թիմակիցն ա: Խնդիր կա՞, մեկը բողոքե՞լ է Գեւորգյան Արթուրից կամ իմ թիմակիցներից: Ինչ-որ մի կուսակցություն, լինի դա՝ ԲՀԿ-ն, Դաշնակցությունը, ՕԵԿ-ը, ԵԼՔ-ը: Էդ մարդը բողոքո՞ւմ է, որ Արթուր Գեւորգյանի թիմակիցները նեղացրել են: Եթե վարձով տարածք չկա, ո՞վ ա մեղավոր, որ չեն կարում տարածք վերցնեն: Թող գնան թանկ վճարեն, լավ տարածք վերցնեն: Բացառված ա, որ մարդուն պետք լինի վարձակալելու տարածք, չկարողանա գտնել:

– Իսկ հնարավո՞ր է Արտակ Սարգսյանը Ձեր որոշ պայմանավորվածության արդյունքում է շտաբները փակել:

– Լավ էլի, Արտակ Սարգսյանի ձայներն էլ, իմ ձայներն էլ ծառայելու են նույն նպատակին:

– Ոչ, Դուք Ձեր ձայների համար եք աշխատում, Արտակ Սարգսյանն՝ իր:

– Դուք մի մոռացեք, որ ես Երեւանի պատմության մեջ ամենաշատ ձայն հավաքած պատգամավորն եմ՝ 25 հազար:

– Ու ինչի՞ հաշվին:

– Իմ հեղինակության, մարդկության, մարդկային մոտեցման հաշվին: Ես աշխատել եմ վարչական շրջանի ղեկավար եւ լավ եմ աշխատել:

– Իսկ կարելի՞ է իմանալ՝ արտառոց ի՞նչ եք արել:

– Այ, որ գաք Դավիթաշեն, բնակիչներին հարցնեք, էն ժամանակ իրանք կասեն, ինչ եմ արել:

Ամբողջությամբ կարող եք կարդալ «Փաստ» թերթի այսօրվա համարում:

Տեսանյութեր

Լրահոս