Խորագիր:

Չաք Բերիի նոր ստուդիական ալբոմը կթողարկվի նրա մահվանից մի քանի շաբաթ հետո

Չաք Բերիի նոր ստուդիական ալբոմը կթողարկվի նրա մահվանից մի քանի շաբաթ հետո

Չաք Բերիի նոր ստուդիական ալբոմը կթողարկվի նրա մահվանից մի քանի շաբաթ հետո: Ինչպես հաղորդել է Associated Presse­-ը, այս մասին հայտնել է Ջո Էդվարդսը՝ ամերիկացի լեգենդար երաժշտի ընկերը եւ Սենտ Լուիսում (Միսուրիի նահանգ) Blueberry Hill ակումբի սեփականատերը, որտեղ կիթառահարը կանոնավոր կերպով ելույթներ է ունեցել։

Նա հավաստել է, որ ձայնապնակը կկոչվի CHUCK (ՉԱՔե): Էդվարդսն ասել է, որ դրանից լսել է սոսկ մի քանի կոմպոզիցիա, բայց վստահ է. գործը սենսացիա կդառնա:

Ալբոմի թողարկմամբ զբաղվում է Dualtone Records ձայնագրման ընկերությունը: Լույսընծայման ստույգ ժամկետն առայժմ չի հայտնվել: Նոր ձայնապնակի հրատարակման մասին կատարողը հայտարարել էր իր 90-­ամյակի օրը՝ 2016 թվականի հոկտեմբերի 18-­ին՝ նշելով, որ երկար է աշխատել դրա վրա եւ մտադիր է այն նվիրել կնոջը՝ Թոդիին (այդ պահին նրանք 68 տարվա ամուսիններ էին):

Դա կլինի Բերիի առաջին սոլո ալբոմը գրեթե 40 տարվա ընթացքում, նախորդը՝ Rock It վերնագրով, լույս է տեսել 1979 թվականին: Չաք Բերին մահացել է մարտի 18-ին կյանքի 91-րդ տարում Միսուրիի նահանգի իր տանը:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-06-08
«Ո՛չ Հայաստանի, ո՛չ Ադրբեջանի հաղթանակն այս հակամարտության մեջ ոչ մի դեպքում Պուտինին չի գոհացնում»
«Ձեր հույսերը, որ Մոսկվան չի հակառակվի այդ փաստաթղթին, զուր են։ Մոսկվան կդժգոհի և ամենակտրուկ ձևով կխոչընդոտի դրա ստորագրմանը»։