Թուրքիայի քրդամետ կուսակցության ևս երկու պատգամավոր է ձերբակալվել
Թուրքիայի քրդամետ Ժողովուրդների դեմոկրատական կուսակցության պատգամավորներ Բերդան Օզթուրքը և Մեհմեթ Էմին Ադըյամանը ձերբակալվել են: Այս մասին հայտնում է թուրքական Diken գործակալությունը:
Արդահանում ձերբակալվելուց հետո պատգամավորները տարվել են դատարան:
Թուրքիայի քրդամետ Ժողովուրդների դեմոկրատական կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը,
ինչպես նաև կուսակցության անդամ ևս 11 պատգամավոր կալանավորված են:
Նրանց դեմ հետաքննություն է իրականացվում «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեղադրանքներով:
