Իրաքի Քիրկուկի նահանգի ղեկավարը քրդերենը հայտարարել Է երկրորդ պետական լեզու
Իրաքի Քիրկուկի նահանգի ղեկավար Նայմադին Քարիմը հայտարարել է քրդերենը որպես երկրորդ պետական լեզու սահմանելու մասին՝ արաբերենի հետ հավասար, ինչպես նաեւ առաջարկել է քրդական դրոշները տեղադրել պետական բոլոր հիմնարկությունների վրա: Այդ մասին հայտնել է Rudaw քրդական հեռուստաալիքը:
Հեռուստաալիքի տվյալներով՝ Քարիմը քաղաքային ինստիտուտներին հղած իր գրավոր դիմումի մեջ ընդգծել է, որ «որոշվել է գործածել քրդերեն եւ արաբերեն լեզուները, քանի որ «դա երաշխավորվում է Իրաքի Սահմանադրությամբ»:
Ինչպես նշվում է, նահանգի ղեկավարը միեւնույն ժամանակ ընդգծել է, որ այն դեպքում, եթե պետական որեւիցե ինստիտուտ հրաժարվի կատարել այս որոշումը, նրա նկատմամբ դատական հետաքննություն կսկսվի:
Հեռուստաալիքի տեղեկատվության համաձայն, երկրորդ նամակում, որը հասցեագրված է Քիրկուկի նահանգային խորհրդին, քաղաքական գործիչը հորդորել է քրդական դրոշներ տեղակայել բոլոր պետական հաստատությունների եւ պետական ընկերությունների շենքերի վրա, հաղորդել է ՌԻԱ Նովոստին:
