Վենետիկի հանձնաժողովի զեկույցը Թուրքիայի համար արժեք չունի. Բոզդաղ
Թուրքիայի արդարադատության նախարար Բեքիր Բոզդաղը Վենետիկի հանձնաժողովին մեղադրել է թուրքական սահմանադրական փոփոխությունների մասին զեկույցում կողմնապահություն անելու մեջ: Այս մասին հայտնում է «Անադոլու» գործակալությունը:
Բողդաղի խոսքով` պատրաստված «անարդար և ոչ օբյեկտիվ» զեկույցում ներառված են սխալ տվյալներ: «Վենետիկի հանձնաժողովը ընդունած զեկույցով Թուրքիայում կայանալիք հանրաքվեում բռնել է «ոչ»ի կողմը: Ամբողջությամբ քաղաքական և սուբյեկտիվ այս զեկույցը Թուրքիայի տեսանկյունից հարգանք և արժեք չունի», հայտարարել է նախարարը:
Եվրոպայի խորհրդի սահմանադրական օրենքի փորձագետները՝ Վենետիկի հանձնաժողովն ընդունել է Թուրքիայում սահմանադրական փոփոխությունների վերաբերյալ զեկույցը:
Դրանում նշվում է, որ ապրիլի 16-ի հանրաքվեի արդյունքներով սահմանադրական փոփոխությունների ընդունման պարագայում երկիրը «կգնա դեպի ավտորիտար նախագահական համակարգ»:
Վենետիկի հանձնաժողովի եզրակացության մեջ նշվում է, որ սահմանադրական փոփոխությունների միջոցները և դրանց բովանդակությունը եվրոպական չափանիշներով չեն պատրաստվել: Ընդունման պարագայում «կա վտանգ, որ առաջարկվող համակարգը կվերածվի ավտորիտար և անհատի ռեժիմի»:
Բացի այդ, ընդգծվել է, որ Թուրքիայում պահպանվող արտակարգ դրությունը սահմանադրական հանրաքվեի համար ժողովրդավարական մթնոլորտ չի ստեղծում:
«Կամ հանրաքվեն պետք է հետաձգվի մինչև արտակարգ դրության վերացումը, կամ էլ
ազատությունների շուրջ սահմանափակումները պետք է վերացվեն», առաջարկել են Վենետիկի հանձնաժողովի անդամները: Նշվել է, որ նախատեսվող փոփոխություններից շատերը հակասում են եվրոպական օրենքներին:
